Latest News

ಶಿರ್ತಾಡಿಯಲ್ಲೊಂದು ಅಡಿಕೆ ಹಾಳೆಯ ಬೃಹತ್ ನಕ್ಷತ್ರ

Picture of Namma Bedra

Namma Bedra

Bureau Report

11 ವರ್ಷಗಳಿಂದ ಪರಿಸರ ಸಹ್ಯ ವಸ್ತುಗಳನ್ನ ಬಳಸಿ ವಿಶಿಷ್ಟ ಸ್ವರೂಪದ ಕ್ರಿಸ್ಮಸ್ ನಕ್ಷತ್ರಗಳನ್ನು ತಯಾರಿಸುತ್ತಾ ಬಂದಿರುವ ಶಿರ್ತಾಡಿಯ ಲೈಫ್ ಸೇವಾ ಸಂಸ್ಥೆ ಈ ಬಾರಿ ಅಡಿಕೆ ಹಾಳ ಅಡಿಕೆ ಸೋಗೆ ಹಾಗೂ ಹಾಳೆಯ ಸೀರೆ ಬಳಸಿ ಬೃಹತ್ ನಕ್ಷತ್ರವನ್ನು ನಿರ್ಮಿಸಿದೆ.
ಈ ನಕ್ಷತ್ರವನ್ನು ಶಿರ್ತಾಡಿಯ ಮೌಂಟ್ ಕಾರ್ಮೆಲ್ ಚರ್ಚ್ ಎದುರಿನಲ್ಲಿ ಬೃಹತ್ ಕಂಬಕ್ಕೆ ತೂಗುಹಾಕಲಾಗಿದ್ದು ಡಿಸೆಂಬರ್ 24 ರಿಂದ ಜನವರಿ 8ರವರೆಗೆ ಪ್ರದರ್ಶನಕ್ಕೆ ಇಡಲಾಗುತ್ತದೆ.
ಪರಿಸರ ಪ್ರೀತಿ, ಶಾಂತಿಯೊಂದಿಗೆ ಧಾರ್ಮಿಕ ಭಾವೈಕ್ಯ ಸಾರುವ ಕಾರ್ಯದಲ್ಲಿ ಈ ಹಿಂದಿನಂತೆ ಕೈ ಜೋಡಿಸಿರುವ ಲೈಫ್ ಸೇವಾ ಸಂಸ್ಥೆಯ ಸದಸ್ಯರಾದ ಪ್ರಸನ್ನ ಸಿಕ್ಕೇರಾ ಸಿಪ್ರಿಯನ್ ಡಿಸೋಜಾ, ಪ್ರೆಸ್ಟನ್ ದಾಂತೀಸ್, ಪೀಟರ್ ದಾಂತೀಸ್, ನವೀನ್ ಶೆಟ್ಟಿ ಪೂರಕವಾಗಿ ಸಹಕರಿಸಿದ್ದಾರೆ.


ಈ ನಕ್ಷತ್ರವು 30 ಅಡಿಕೆ ಹಾಳ 40 ಅಡಿಕೆ ಸೋಗೆ 4 ಹಳೆಯ ಸೀರೆ ಬಳಸಿ ತಯಾರಿಸಲಾಗಿದ್ದು 12 ಅಡಿ ಎತ್ತರ 11 ಅಡಿ ಅಗಲ ಹೊಂದಿದೆ. ನಕ್ಷತ್ರದ ಮಧ್ಯ ಭಾಗದಲ್ಲಿ ಆಕರ್ಷಕವಾದ ಬೈಹುಲ್ಲಿನ ಮೇಲ್ಮಾವಣಿಯನ್ನು ಹೊಂದಿರುವ ಮರದಿಂದ ತಯಾರಿಸಿದ ಗೋದಲಿಯು ಏಸುಕ್ರಿಸ್ತನ ಹುಟ್ಟನ್ನು ಸುಂದರವಾಗಿ ಬಿಂಬಿಸಿದ ಒಟ್ಟು 8 ದಿನಗಳ ಪರಿಶ್ರಮ ಈ ನಕ್ಷತ್ರ ಹಿಂದಿದೆ. ವಿಶಿಷ್ಟ ಬಣ್ಣದ ಬೆಳೆಕಿನ ಸಂಯೋಜನೆ ಈ ನಕ್ಷತ್ರದ ಆಕರ್ಷಣೆಯನ್ನು ಹೆಚ್ಚಿಸಲಿದೆ

ಈ ರೀತಿಯ ಇನ್ನಷ್ಟು ಸುದ್ದಿಗಳು

Scroll to Top
× ಸುದ್ದಿ ಹಾಗು ಜಾಹೀರಾತು